Thirrje për mobilitete mësimdhënieje/trajnimi në kuadër të Erasmus + International Credit Mobility në Universitetin «Pablo de Olavide» të Seviljes, Spanjë
Në kuadër të Erasmus + International Credit Mobility hapet thirrja per mobilitete mësimdhënieje/trajnimi drejt Universitetit «Pablo de Olavide» të Seviljes, Spanjë (UPO).
Ftohet të aplikojë personeli akademik profili i të cilëve është në përputhje me profilet e publikuara në aneksin I të thirrjes së shpallur nga UPO (personel akademik nga gjuhët e huaja për disiplinat gjuhësi dhe letërsi ; fq. 7 në thirrje, https://www.upo.es/cms1/export/sites/upo/aric/proyectos-internacionales/proyectos-erasmus-/erasmus-ka-107/-erasmus-ka-107-incoming-staff/EN-Call-Erasmus-107-Nomin-Staff-STA_STT-2S-22-23.report.pdf).
Numri i mobiliteteve: 1
Periudha: «Pranverë 2023»
Kohëzgjatja: 5 ditë
Afati i aplikimit: 15/03/2023
Kandidatët do të parazgjidhen nga universiteti dërgues (UV). Procesi i parazgjedhjes nuk garanton përzgjedhjen përfundimtare nga universiteti pritës (UPO).
A. Për të aplikuar, kandidatët duhet të përmbushin këto kritere specifike:
- Të jenë të punësuar pranë universitetit dërgues (UV) në kohën e aplikimit dhe gjatë periudhës së kryerjes së mobilitetit;
- Të paraqesin marrëveshje mobiliteti të nënshkuar nga të gjitha palët (kandidati, universiteti dërgues, universiteti pritës);
- Të kenë njohuri gjuhësore në gjuhën e përdorur për këtë qëllim në kohën e fillimit të mobilitetit. Universiteti dërgues siguron që kandidatët janë në një nivel gjuhësor mjaftueshëm të zhdërvjellët për të përfituar si duhet nga periudha e qëndrimit në universitetin pritës.
B. Kritere të detyrueshme të përzgjedhjes:
Për përzgjedhjen e kandidatëve, kriteret e mëposhtme janë të detyrueshme:
b.1) Personeli që plotëson një ose më shumë nga kriteret e mëposhtme të përfshirjes dhe diversitetit sipas përcaktimeve nga programi Erasmus+: 1 pikë për çdo kriter
- paaftësia (p.sh. pjesëmarrës me nevoja të veçanta): njerëz me aftësi të kufizuara mendore (intelektuale, konjitive, nxënëse), fizike, shqisore ose të tjera;
- vështirësi arsimore: të rinjtë me vështirësi në të nxënë; braktisës të hershëm të shkollës; të rritur me kualifikim të ulët; të rinj me performancë të dobët shkollore;
- vështirësi ekonomike: persona me standard të ulët jetese, të ardhura të ulëta, me ndihmë sociale ose të pastrehë; të rinj të papunë për një kohë të gjatë ose në varfëri; njerëz në borxhe ose me probleme financiare;
- dallime kulturore: emigrantë apo refugjatë ose pasardhës nga emigrantë ose familje refugjatësh; njerëz që i përkasin një pakice kombëtare ose etnike; njerëz me vështirësi në përshtatjen gjuhësore dhe përfshirjen kulturore;
- probleme shëndetësore: persona me probleme shëndetësore kronike, sëmundje të rënda ose kushte psikiatrike;
- vështirësi sociale: persona që përballen me diskriminim për shkak të gjinisë, moshës, përkatësisë etnike, fesë, orientimit seksual, paaftësisë, etj.; njerëz me aftësi të kufizuara sociale ose antisociale ose sjellje të rrezikshme; njerëz në një situatë të pasigurt; (ish-) shkelës të ligjit, të (ish-)droguar ose abuzues me alkoolin; prindër të rinj dhe/ose të vetëm; jetimë;
- pengesa gjeografike: njerëz nga zona të largëta ose rurale; njerëz që jetojnë në të ishuj të vegjël ose rajone periferike; njerëz nga zona problematike urbane; njerëz nga zona me më pak shërbim (transport publik i kufizuar, objekte të dobëta).
b.2) Programi i mobilitetit i propozuar nga aplikanti (seksioni I i marrëveshjes së mobilitetit (Aneksi II) i ndarë në katër seksionet e tij (objektivat e përgjithshme të mobilitetit; vlera e shtuar e mobilitetit në kontekstin e strategjive të modernizimit dhe ndërkombëtarizimit të institucioneve të përfshira); përmbajtjen e programit mësimor/aktivitetet trajnuese që do të kryhen; rezultatet e pritshme dhe ndikimi).
b.3) Përparësi do të kenë ata kandidatë që kanë kontribuar në përgatitjen dhe/ose vendosjen e marrëveshjes ndërinstitucionale ndërmjet UPO-s dhe UV-së.
C) Kritere shtesë:
- Merita akademike, e përcaktuar dhe pikëzuar sipas gradës/titullit akademik dhe/ose aktivitetit kërkimor-shkencor;
- Pikë shtesë për kandidatë që aplikojnë për herë të parë në kuadër të programit «Erasmus +»;
- Njohuri gjuhësore në gjuhën në të cilën do të kryhet mobiliteti, pikëzuar sipas nivelit të referencës;
- Njohuri gjuhësore në një gjuhë të dytë pikëzuar sipas nivelit të referencës.
Të interesuarit DUHET të plotësojnë formularin e aplikimit online (https://forms.gle/dFui3XTPbWtHkryb6), si dhe të ngarkojnë të gjitha dokumentet mbështetëse të kërkuara në gjuhën angleze si më poshtë:
- kopje e dokumentit identifikues/pasaportë;
- dokument vërtetues për punësimin në UV;
- CV në gjuhën angleze;
- certifikatë për njohjen e gjuhës angleze;
- certifikatë për njohjen e gjuhëve të tjera;
- marrëveshje mobiliteti e nënshkruar nga koordinatori akademik i UPO-s që do të kujdeset për trajnimin/mësimdhënien e personelit;
- dokumente mbështetëse për rubrikën b.1) të kritereve mbështetëse.
Për çdo pyetje a paqartësi, mund të drejtoheni tek Prof. As. Armela Panajoti (armela.panajoti@univlora.edu.al), person kontakti për projektin/marrëveshjen.
Kandidatët do të vlerësohen sipas kësaj skeme vlerësimi (paraqitur më poshtë në gjuhën angleze):
| 7. Criteria used in the selection process (criteria in bold are mandatory, the rest are recommended. Partner institutions can add their own criteria | |||
| CRITERIA | POINTS | ||
| Participants from disadvantaged backgrounds and with fewer opportunities will get 2 points. | 1 pt for each inclusion and diversity criterion (max 5) | ||
| Mobility programme proposed | 20 pts – 5 for each of the 4 sections of the mobility programme | ||
| Preference for belonging to a priorised subject area according to Annex I (marked with*) | YES / NO (not applicable) | ||
| Preference for having contributed to preparation/establishment of IIA | YES / NO
10 pts |
||
| First participation in Erasmus+ | 5 pts | ||
| Language certificate in the working language | 0 – 20 pts accredited accordingly:
20 pts – C2 in the CEFR 15 pts– C1 in the CEFR 10 pts – B2 in the CEFR 5 pts – B1 in the CEFR |
||
| A 2nd language certificate | 0 – 10 pts accredited accordingly:
10 pts – C2 in the CEFR 8 pts– C1 in the CEFR 6 pts – B2 in the CEFR 4 pts – B1 in the CEFR |
||
| (SENDING INSTITUTION CRITERIA- PLEASE SPECIFY) | |||
| Academic merit | 30 pts accredited accordingly:
20 – full professor 15 – associate professor 10 – doctor of science/philosophy 10 – research activity/publications |
||
| Total | 100 points | ||
Thirrje për mobilitete ne Seville (1)