Thirrje për bursë studimi për studentë në kuadër të Programit “Erasmus +” për komponentin KA171 International Credit Mobility.
Universiteti “Ismail Qemali” Vlorë në bashkëpunim me Universitetin Osnabruk në Gjermani (Osnabrück University) në kuadër të Programit “Erasmus+” për komponentin KA1, fton të gjithë studentët e UV-së të aplikojnë për bursë mobilitet për studim.
Mobiliteti përfshin:
- Shkëmbimin për studentët e programeve të studimit të ciklit të parë, të dytë dhe të tretë.
- Shkëmbimin për studentët, që trajtohen me ndihmë ekonomike të programeve të studimit të ciklit të parë, të dytë dhe të tretë.
- Kohëzgjatja: 5 muaj
- Numri i kuotave: 10
- Periudha e mobilitetit: Semestri “Vjeshtë” dhe “Pranverë” i vitit akademik 2024-2025.
- Bursa: 850 Euro/muaj (Studentët me barriera ekonomike, do të përfitojnë një bursë prej 1100 Euro/muaj. Këtu përfshihen ata student që janë brezi i parë akademik në familje, studentë të punësuar, studentë me fëmijë, me aftësi të kufizuara dhe probleme shëndetësore).
- Shpenzime udhëtimi: Vlera standarde është 275 Euro, por nëse pjesëmarrësit do të përdorin udhëtimin e gjelbër, i cili ka të bëjë me përdorimin e trenit, autobuzit, makinës, biçikletës ose kombinimin e tyre do të përfitojnë një shtesë prej 45 Euro, pra në këtë rast shpenzimi do të jetë 320 EUR. Shpenzimet e udhëtimit përllogariten në bazë të largësisë sipas linkut: https://ec.europa.eu/programmes/erasmus-plus/resources/distance-calculator_en
Kriteret për aplikantët:
- Të jenë studentë “Bachelor” (përjashtohen studentët që janë në vit të parë në periudhën e mobilitetit), “Master” dhe “Doktoratë” të UV-së.
- Të jenë studentë në programe studimi sipas kodit ISCED:
0232 Literature and linguistics, në gjuhën angleze: “Bachelor në gjuhë angleze”, “Master në mësuesi për CLAB në lëndën gjuhë angleze”, “Master i shkencave në përkthim dhe interpretim”, “Doktoratë në studime gjuhësore, letrare e kulturore”.
- Të jenë studentë që nuk e kanë përmbushur periudhën e lejuar të realizimit të mobilitetit brenda një cikli studimi (prej 12 muajsh në total).
- Njohja e gjuhës angleze ose gjermane duhet minimalisht në nivelin B1.
Kriteret e përzgjedhjes:
Studentët do të përzgjidhen në bazë të skemës së miratuar në rregulloren “Për Implementimin e Marrëveshjeve Ndër-institucionale në Kuadër të Programit “Erasmus+” KA107 International Credit Mobility’’, sipas kritereve të mëposhtme:
- Merita akademike.
- Kompetenca gjuhësore.
Në rast të kandidatëve me pikë të barabarta:
- Prioritet do t’u jepet studentëve që u përkasin grupeve me diversitete sociale ekonomike, gjinore, racore, ngjyre, aftësi të veçanta, etj.
- Barazia gjinore (aty ku është e mundur, të përzgjidhen kandidatë të barabartë në numër për nga gjinia).
- Prioritet do t’u jepet studentëve që nuk kanë përfituar më parë nga programi Erasmus+ KA1.
Dokumentet e nevojshme për aplikim:
- Formular aplikimi.
- Kopje e dokumentit identifikues / pasaportë.
- Vërtetim studenti.
- Transkript notash.
- Letër motivimi në anglisht.
- Çertifikatë që vërteton njohjen e gjuhës së huaj. Përjashtohen studentët e programit të gjuhës angleze.
- Dokument që vërteton që studenti u përket grupeve me diversitete sociale ekonomike, gjinore, racore, ngjyre, aftësi të veçanta, nga familje që trajtohen me ndihmë ekonomike ose bursë nga shteti etj, (nëse e dispononi).
Dorëzimi i dokumentave të aplikimit kryhet në një nga mënyrat e mëposhtme:
- Elektronikisht (të skanuara në formatin pdf) në adresat:
- Dorazi pranë Sektorit të Projekteve dhe Marrëdhënieve me Jashtë pranë Rektoratit, Kati i I-rë.
Shënim: Studentët janë të lutur që përpara dorëzimit të aplikimit të konsultohen me koordinatorin akademik të marrëveshjes/ përgjegjësin e departamanetit, për të pare nëse aplikimi i tyre është i përshatshëm me kurset e ofruara ne gjuhe angleze, të cilat mund t’i gjeni në këtë lidhje: https://www.uni-osnabrueck.de/en/studies/students-from-abroad/degree-programs-and-study-courses-in-english/
Afati i fundit i aplikimit është 30/04/2024
Procedura e përzgjedhjes:
- UV ngre një komision ad-hoc, i cili do t’i rendisë kandidatët në bazë të skemës së pikëzimit si dhe kritereve të thirrjes.
- Kandidatët fitues do të njoftohen prej SPMJ-së në adresën e tyre të email-it.
- Kandidatët aplikues kanë të drejtën e ankimimit kundër vendimit të komisionit ad-hoc pranë Rektorit brenda 5 (pesë) ditëve nga marrja e njoftimit.
- Në përfundim të afatit të ankimimit, SPMJ përcjell listën e studentëve të nominuar pranë universitetit pritës.
- Studentët e përzgjedhur do të kontaktohen prej universitetit pritës për të vazhduar më tej me procedurat e nevojshme.
Përpara fillimit të mobilitetit studentët fitues plotësojnë një dokument të quajtur Learning Agreement (Marrëveshje që vendoset midis studentit që aplikon, universitetit të origjinës si dhe universitetit prites, në të cilën paracaktohen kurset me kreditet përkatëse sipas kriterit të numrit minimal të krediteve që studenti do të ndjekë gjatë semestrit në universitetin pritës, të cilat do t’i njihen në përfundim të tij dhe në vijim të studimeve në universitetin e origjinës).
KUJDES! Studenti, i cili do të kryejë gjatë një semestri mobilitetin në universitetin pritës, duhet të zgjedhë lëndë ekuivalente/ngjashme me ato që do të zhvillonte në UV në po atë semestër. Kreditë të pazgjedhura nga studentët që aplikojnë për mobilitet, për shkak të ndryshimeve midis programeve të studimit të UV-së dhe atyre të universitetit pritës, mbeten pjesë e detyrimeve akademike të programit të studimit që ndjek studenti aplikant të cilat ai/ajo duhet t’i shlyejë sipas rregulloreve përkatëse të UV-së.
Më shumë informacion mbi universitetin pritës dhe katalogun e kurseve i gjeni në linket:
https://www.uni-osnabrueck.de/en/home/
Për më shumë informacion rreth skemës së mobilitetit dhe mënyrës së aplikimit mund të kontaktoni me:
- Koordinatoren akademike të marrëveshjes ndërinstitucionale, Prof. Asoc. Armela Panajoti (armela.panajoti@univlora.edu.al ).
- Sektorin e Projekteve dhe Marrëdhënieve me Jashtë (international@univlora.edu.al).
Universiteti “Ismail Qemali” Vlorë ju uron suksese!
FORMULAR-APLIKIMI-STUDENT _Osnabruk