Thirrje për bursa mësimdhënieje/ trajnim për stafin akademik me kohë të plotë në kuadër të Programit “Erasmus +” për komponentin KA1
Universiteti “Ismail Qemali” Vlorë në bashkëpunim me Universitetin Katolik të Ruzhomberokut (Catholic University in Ružomberok) në Sllovaki; Universitetin Jan Kochanowski në Kielce (Jan Kochanowski University in Kielce) Poloni dhe Universitetin e Zielona Gorës (University of Zielona Gora) në Poloni në kuadër të Programit “Erasmus+” për komponentin KA1, fton të gjithë stafin me kohë të plotë të UV-së të aplikojnë për mobilitete mësimdhënie/ trajnim.
Shpenzimet do të mbulohen nga skema Erasmus +, komponenti KA1. Ato parashikojnë udhëtimin vajtje-ardhje (përllogaritur në bazë të largësisë, https://ec.europa.eu/programmes/erasmus-plus/resources/distance-calculator_en) , si dhe dietën ditore.
Mobiliteti për në Universitetin Katolik të Ruzhomberokut përfshin:
– Shkëmbimin e stafit akademik për mësimdhënie/trajnim, i cili lidhet me fushën “023 Languages (Italian, English)”
– Kohëzgjatja: 5 + 2 ditë.
– Numri i mobiliteteve: – 1 (një) mësimdhënie
– 1(një) trajnim
– Periudha e mobilitetit: Viti akademik 2023-2024
– Dieta ditore: 140 Euro
– Shpenzime udhëtimi: 275 Euro
Mobiliteti për në Jan Kochanowski në Kielce përfshin:
– Shkëmbimin e stafit akademik për mësimdhënie, i cili lidhet me fushën “0230 Languages not further defined”, “0110 Education not further defined”, “0421 Law”.
– Kohëzgjatja: 5 + 2 ditë.
– Numri i mobiliteteve: – 2 (dy) mësimdhënie
– Periudha e mobilitetit: Viti akademik 2023-2024
– Dieta ditore: 140 Euro
– Shpenzime udhëtimi: 275 Euro
Mobiliteti për në Universitetin e Zielona Gorës përfshin:
– Shkëmbimin e stafit akademik për mësimdhënie, i cili lidhet me fushën “0233 Languages not further defined”
– Kohëzgjatja: 5 + 2 ditë.
– Numri i mobiliteteve: 1 (një) mësimdhënie
– Periudha e mobilitetit: Viti akademik 2023-2024
– Dieta ditore: 140 Euro
– Shpenzime udhëtimi: 275 Euro
Kriteret për aplikantët:
- Staf akademik, i cili lidhet me fushat e përcaktuara në marrëveshjen ndër-institucionale sipas kodifikimeve të ISCED respektive për secilin universitet.
- Njohja e gjuhës së huaj sipas nivelit të përcaktuar në marrëveshjen ndër-institucionale (minimumi niveli B2).
Kriteret e përzgjedhjes:
Stafi do të përzgjidhet në bazë të skemës së miratuar në rregulloren “Për Implementimin e Marrëveshjeve Ndër-institucionale në Kuadër të Programit Erasmus+ KA107 International Credit Mobility’’, sipas kritereve të mëposhtme:
- Arritja akademike (Titulli akademik/ Grada shkencore) për stafin akademik.
- Kompetenca e gjuhës së huaj.
- Pjesëmarrje në mobilitete. Prioritet i jepet stafit që nuk ka pasur më parë eksperiencë mobiliteti.
Kritere shtesë:
- Argumentimi i qartë i qëllimit të vizitës, planit të punës në institucionin pritës si një vlerë e shtuar e mobilitetit në kontekstin e modernizimit dhe ndërkombëtarizimit të strategjisë së UV-së.
- Barazia gjinore (aty ku është e mundur, të përzgjidhen kandidatë të barabartë në numër për nga gjinia).
Dokumentet e nevojshme për aplikim:
- Formular i aplikimit.
- Kopje e dokumentit identifikues (pasaportë).
- Dokument që vërteton statusin e të punësuarit pranë UV-së.
- CV vetjake në gjuhën angleze.
- Vërtetim nga Rektori / Dekani i Fakultetit tuaj që ju lejon të shkëputeni për të kryer mobilitetin.
- Certifikatë që vërteton njohjen e gjuhës së huaj (minimumi niveli B2). Përjashtohen stafi me diplomë universitare në gjuhë angleze.
Dorëzimi i dokumentave të aplikimit kryhet në një nga mënyrat e mëposhtme:
- Elektronikisht (të skanuara në formatin pdf) në adresat:
- panajoti@univlora.edu.al /
- international@univlora.edu.al
- Dorazi pranë Sektorit të Projekteve dhe Marrëdhënieve me Jashtë pranë Rektoratit, Kati i I-rë.
Afati i fundit i aplikimit është 21/07/2023.
Procedura e përzgjedhjes:
- UV ngre një komision ad-hoc, i cili do t’i rendisë kandidatët në bazë të skemës së pikëzimit si dhe kritereve të thirrjes.
- Kandidatët fitues do të njoftohen prej SPMJ-së në adresën e tyre të email-it.
- Kandidatët aplikues kanë të drejtën e ankimimit kundër vendimit të komisionit ad-hoc pranë Rektorit brenda 5 (pesë) ditëve nga marrja e njoftimit.
- Në përfundim të afatit të ankimimit, SPMJ përcjell listën e stafit të nominuar pranë Universitetit pritës.
- Stafi i përzgjedhur do të kontaktohet prej universitetit pritës për të vazhduar më tej me procedurat e nevojshme.
Një informacion i përgjithshëm mbi universitetet pritëse gjenden në linket në vijim:
- https://www.ku.sk/en/ për Universitetin Katolik të Ruzhomberokut
- https://en.ujk.edu.pl/ për Universitetin Jan Kochanowski në Kielce
- https://uz.zgora.pl/en/ për Universitetin e Zielona Gorës
Për më shumë informacion rreth skemës së mobilitetit dhe mënyrës së aplikimit mund të kontaktoni me:
- Personin e kontaktit, Prof. As. Armela Panajoti (panajoti@univlora.edu.al)
- Sektorin e Projekteve dhe Marrëdhënieve me Jashtë (international@univlora.edu.al)
Universiteti “Ismail Qemali” Vlorë ju uron suksese!