Takim i përfaqësuesve të Universitetit “Ismail Qemali” Vlorë në Parlamentin Bullgar.


Një takim shumë i rëndësishëm dhe I frytshëm u zhvillua midis Prof. Dr. Roland Zisi, Rektor dhe përfaqësues të Universitetit “Ismail Qemali” Vlorë, me Z. Krasimir Bogdanov si dhe parlamentarë nga parti të ndryshme të Bullgarisë.

  1. Bogdanov dhe parlamentarët që morrën pjesë në këtë takim, janë grupi i punës në parlamentin Bullgar për miqësinë Bullgari-Shqipëri.

 

Fillimisht z. Bogdanov:

  1. Falenderoi për viziten dhe ishte shumë entuziast për takimin që po zhvillohej.
  2. Informoi grupin e UV-së për punët që ky grup i ngritur në parlamentin Bullgar zhvillon.
  3. Falenderoi thellë për njohjen e minoritetit Bullgar në Shqipëri dhe votimin nga parlamenti i Shqipërisë.
  4. Theksoi miqësinë dhe marrëdhënien e mirë të dy shteteve të cilat janë në momentin e tyre kulminant.
  5. Nënvizoi dashurinë e tij për Shqipërinë dhe shqiptarët, duke theksuar ndihmën që ai personalisht por edhe parlamenti Bullgar kanë dhënë për Shqipëtarët në Bullgari (sidomos studentëve).

 

Nga ana e përfaqësuesve të UV-së Rektori Prof. Dr. Roland Zisi morri fjalën i pari duke falenderuar për mikëpritjen e ngrohtë dhe për fjalët e mira të z. Bogdanov.

 

Prof. Dr. Roland Zisi:

  1. E informoi për vizitën e grupit të UV-së në Bullgari (Një takim shumë i rëndësishëm midis Universitetit “Ismail Qemali” Vlorë dhe Universitetit të Teknologjisë Kimike dhe Metalurgjisë të Sofies. Ky takimi ishte mjaft i frytshëm në të cilin u diskutuan çështje mjaft të rëndësishme).
  2. Informoj për nënshkrimin e marrëveshjes së bashkëpunimit midis 2(dy) Universiteteve (Universitetit “Ismail Qemali” Vlorë dhe Universitetit të Teknologjisë Kimike dhe Metalurgjisë të Sofies).
  3. Theksoi lidhjet dhe marrëdhëniet e mira që dy shtetet kanë por dhe që kanë pasur në të kaluarën duke përmendur edhe kurorëzimin e mbretit të Bullgarisë në Bylis (Mbreti BorisIII i Bullgarisë, shqipfolës dhe mik i shqiptarëve i asaj kohe ).
  4. Informoi për takimin që u bë në UV për ditën e pavarësisë së Bullgarisë (Në kuader të ditës se çlirimit te Bullgarise  që ishte 3 Marsi, Ambasadori i Bullgarisë,Dimitar Arnaudov në bashkëpunim me Univesritetin “Ismail Qemali” Vlorë organizuan një ceremoni ku u diskutua  mbi zanafillen e marrëdhënieve mes shteteve dhe ndihmën e Bullgarisë në rrugëtimin e vendit tonë drejt Bashkimit Europian).
  1. Informoi për diskutimet që UV ka me universitete të tjera Bullgare për marrëveshje bashkëpunimi.
  2. Theksoi qëllimin kryesor që UV ka (ndërkombtarizimin) duke theksuar që Bullgaria dhe Universitetet Bullgare janë partner strategjik për arritjen e këtij qëllimi.

 

Prof. Dr. Zisi para se të mbaronte fjalimin ju uroi suksese në sfidën e vështirë që Bullgaria ka 6 mujorin e parë të 2018 për marrjen e presidencës së Bashkimit Europian si dhe i ftoi në Vlorë për një vizitë pune

Nga ana e tij z. Bogdanov falenderoi Rektorin Prof. Dr. Roland Zisi për ftesën të cilën ai e pranoi me kënaqsi.

Së fundmi, ai i dha fjalën me rradhë gjithë anëtarëve të parlamentit që morrën pjesë në takim duke theksuar marrëdhëniet e mira midis dy shteteve si dhe duke na ofruar ndihmën e tyre për kontakte dhe lidhjen e marrëveshjeve me IAL Bullgare.

 

Nga ana e Universitetit fjalën e morrën me rradhë (PhD Enkelejd A. Mëhilli, Prof.Asoc.Hajdar Kiçaj, Dr. Eva Çipi) duke falenderuar për mikpritjen e ngrohtë, duke analizuar disa nga rezultatet e vizitës në Sofie dhe duke u shpjeguar hapat e mëtejshme të këtyre marrëdhënieve.