Të nderuar studentë, pedagogë, punonjës të administratës së UV dhe qytetarë të Vlorës,
Urime të përzemërta me rastin e festës së Pashkëve të gjithë shqiptarëve të besimit katolik.
Pashkët janë festat e ringjalljes dhe jetës së re, me qëllimin kryesor bashkimin e njerëzve.
Dhuroftë Pashka Katolike ringjalljen e zemërgjerësisë, tolerancës, respektit dhe dashurisë mes njëri-tjetrit, me energji dhe shpresa të ripërtërira, për një shoqëri solidariteti dhe përgjegjësie të përbashkët.
Le te shërbejë kjo ditë simbolike e kremtimit të ringjalljes së shpirtit hyjnor dhe besimit fetar për të reflektuar mbi rëndësinë e vlerave të patjetërsueshme dhe tradicionale të bashkëjetesës e harmonisë fetare të shqiptarëve.
Sjelltë shëndet të mirë, begati e harmoni zemre për të gjithë!
Gëzuar nga mot Pashkët Katolike!