Thirrje për bursa studimi për studentë në kuadër të Programit “Erasmus +” për komponentin KA1 International Credit Mobility.
Universiteti “Ismail Qemali” Vlorë në bashkëpunim me Universitetin Pavol Jozef Safarik në Kosice, Sllovaki (Pavol Jozef Šafárik University in Košice) në kuadër të Programit “Erasmus+” për komponentin KA1, fton të gjithë studentët e UV-së të aplikojnë për bursë për mobilitet studimi.
Mobiliteti përfshin:
- Studentë:
– Shkëmbimin për studentët e programeve të studimit të ciklit të parë, të dytë dhe të tretë.
– Numri i mobiliteteve: 4 (katër)
– Kohëzgjatja: 4.5 muaj
– Bursa: 800 Euro/muaj
– Periudha e mobilitetit: Semestri “Pranverë” të vitit akademik 2023-2024
– Shpenzime udhëtimi: Vlera standarte është 275 Euro, por nëse pjesëmarrësit do të përdorin udhëtimin e gjelbër do të përfitojnë një shtesë prej 50 Euro, pra në këtë rast shpenzimi do të jetë 325 EUR. Ju lutemi, referohuni për “Kontributin e udhëtimit të gjelbër” në linkun: https://www.upjs.sk/en/information/international-relations/erasmus/top-ups/
- Studentë që trajtohen me ndihmë ekonomike
– Shkëmbimin për studentët e programeve të studimit të ciklit të parë dhe të dytë.
– Numri i mobiliteteve: 4 (katër)
– Kohëzgjatja: 4.5 muaj
– Bursa: 1050 Euro/muaj
– Periudha e mobilitetit: Semestri “Pranverë” të vitit akademik 2023-2024
– Shpenzime udhëtimi: Vlera standarte është 275 Euro, por nëse pjesëmarrësit do të përdorin udhëtimin e gjelbër do të përfitojnë një shtesë prej 50 Euro, pra në këtë rast shpenzimi do të jetë 325 EUR. Ju lutemi, referohuni për “Kontributin e udhëtimit të gjelbër” në linkun: https://www.upjs.sk/en/information/international-relations/erasmus/top-ups/
Kriteret për aplikantët:
- Të jenë studentë “Bachelor” (përjashtohen studentët e vitit të parë) dhe “Master” të UV-së.
- Të jenë studentë në programet e studimit:
023 Languages
- Bachelor në Gjuhë Angleze
- Master Profesional në Gjuhë Angleze.
- Master Shkencor në Përkthim – Interpretim
- Doktoraturë në Studime Gjuhësore, Letrare e Kulturore.
- Njohja e gjuhës angleze minimalisht në nivelin B2.
Kriteret e përzgjedhjes:
Studentët do të përzgjidhen në bazë të skemës së miratuar në rregulloren “Për
Implementimin e Marrëveshjeve Ndër-institucionale në Kuadër të Programit “Erasmus+” KA107 International Credit Mobility’’, sipas kritereve të mëposhtme:
- Merita akademike.
- Kompetenca gjuhësore.
- Pjesëmarrje në mobilitete. Prioritet do t’u jepet studentëve që nuk kanë përfituar më parë nga programi Erasmus+ KA1.
Kritere të tjera shtesë:
- Prioritet do t’u jepet studentëve që u përkasin grupeve me diversitete sociale ekonomike, gjinore, racore, ngjyre, aftësi të veçanta, etj.
- Barazia gjinore (aty ku është e mundur, të përzgjidhen kandidatë të barabartë në numër për nga gjinia).
Dokumentet e nevojshme për aplikim:
- Formular aplikimi.
- Kopje e dokumentit identifikues / pasaportë.
- Vërtetim studenti.
- Transkript notash.
- Letër motivimi.
- Dokument që vërteton aftësinë e kufizuar (nëse e dispononi).
- Dokument që vërteton që studenti është anëtar i komunitetit rom ose egjiptian (nëse e dispononi).
- Dokument që vërteton që studenti vjen nga familje që trajtohen me ndihmë ekonomike ose bursë nga shteti (nëse e dispononi).
Dorëzimi i dokumentave të aplikimit kryhet në një nga mënyrat e mëposhtme:
- Elektronikisht (të skanuara në formatin pdf) në adresat:
- Dorazi pranë Sektorit të Projekteve dhe Marrëdhënieve me Jashtë pranë Rektoratit, Kati i I-rë.
Afati i fundit i aplikimit është 25/10/2023.
Procedura e përzgjedhjes:
- UV ngre një komision ad-hoc, i cili do t’i rendisë kandidatët në bazë të skemës së pikëzimit si dhe kritereve të thirrjes.
- Kandidatët fitues do të njoftohen prej SPMJ-së në adresën e tyre të email-it.
- Kandidatët aplikues kanë të drejtën e ankimimit kundër vendimit të komisionit ad-hoc pranë Rektorit brenda 5 (pesë) ditëve nga marrja e njoftimit.
- Në përfundim të afatit të ankimimit, SPMJ përcjell listën e studentëve të nominuar pranë Universitetit Pavol Jozef Safarik në Kosice.
- Studentët e përzgjedhur do të kontaktohen prej universitetit pritës për të vazhduar më tej me procedurat e nevojshme.
Përpara fillimit të mobilitetit studentët fitues plotësojnë një dokument të quajtur Learning Agreement (Marrëveshje që vendoset midis studentit që aplikon, universitetit të origjinës si dhe universitetit prites, në të cilën paracaktohen kurset me kreditet përkatëse sipas kriterit të numrit minimal të krediteve që studenti do të ndjekë gjatë semestrit në universitetin pritës, të cilat do t’i njihen në përfundim të tij dhe në vijim të studimeve në universitetin e origjinës).
KUJDES! Studenti, i cili do të kryejë gjatë një semestri mobilitetin në universitetin pritës, duhet të zgjedhë lëndë ekuivalente/ngjashme me ato që do të zhvillonte në UV në po atë semestër. Kreditë të pazgjedhura nga studentët që aplikojnë për mobilitet, për shkak të ndryshimeve midis programeve të studimit të UV-së dhe atyre të universitetit pritës, mbeten pjesë e detyrimeve akademike të programit të studimit që ndjek studenti aplikant të cilat ai/ajo duhet t’i shlyejë sipas rregulloreve përkatëse të UV-së.
Më shumë informacion mbi universitetin pritës dhe katalogun e kurseve në gjuhë të huaj i gjeni në linket:
- https://www.upjs.sk/en/
- https://www.upjs.sk/en/information/international-relations/erasmus/calendar-catalogue/course-catalogue-2023-2024/
Për më shumë informacion rreth skemës së mobilitetit dhe mënyrës së aplikimit mund të kontaktoni me:
- Koordinatorin akademik të marrëveshjes ndërinstitucionale, Prof. As. Kozeta Hyso (kozetahyso1@gmail.com).
- Sektorin e Projekteve dhe Marrëdhënieve me Jashtë (international@univlora.edu.al).
Universiteti “Ismail Qemali” Vlorë ju uron suksese!