Gjatë periudhës 23.03.2025 deri në 29.03.2025 në Korinth të Greqisë u zhvillua konferenca dhe shkolla dimërore ASECU Youth 2025, organizuar nga Universiteti i AEGEN.
Shqipëria u përfaqesua nga 3 universitete publike shqiptare Universiteti “Ismail Qemali”, Universiteti “Fan S. Noli” Korçë dhe Universiteti” Eqerem Çabej” Gjirokastër, përkatësisht me 52 pjesëmarrës, studentë dhe personel akademik e ndihmës akademik, të cilët ju bashkuan aktivitetit Global Village duke sjellë flamurin dhe traditën shqiptare me nje larmi ngjyrash, gatimesh, veshje dhe muzikë.
UV u përfaqësua nga studentë të programit të studimit Informatikë dhe Shkenca Kompjuterike, personel akademik dhe ndihmës akademik, me përvojë në mësimdhënie, menaxhim projektesh dhe bashkëpunime ndërkombëtare.
Pjesëmarrja në këtë aktivitet synoi:
-
- Promovimin e përfshirjes së të rinjve në tema të zhvillimit të qëndrueshëm, sipërmarrjes dhe bashkëpunimit ndërkulturor;
- Rritjen e kapaciteteve ndërkombëtare të universitetit përmes rrjetëzimit dhe bashkëpunimit me universitete të tjera të rajonit;
- Nxitjen e bashkëpunimeve në kuadër të programeve si Erasmus+, si dhe përfshirjen në projekte të përbashkëta kërkimore.
Gjatë këtyre diteve u organizuan leksione, takime grupore dhe aktivitete kulturore, duke përfshirë:
-
- Global Village: prezantim i kulturave të vendeve pjesëmarrëse, ku delegacioni shqiptar prezantoi elementë kulturorë, muzikë dhe produkte tradicionale.
- Aktivitete ndërgrupore dhe lojëra të ndërtimit të ekipit (team-building), takime në grupe pune dhe diskutime rreth temave të zhvillimit të qëndrueshëm si dhe leksione nga profesorë të universiteteve turke, bullgare, greke, polake si dhe të Universitetit të Korçës dhe Universitetit të Gjirokastrës.
Studentët tanë Arlind Ago, Redi Capoj, Paola Selamaj dhe Megi Mezuraj prezantuan punime shkencore në lidhje me përdorimin e inteligjencës artificiale të mbështetur nga personeli akademik Dr.Eva Çipi dhe Dr.Eljona Zanaj.
Gjithashtu u zhvillua dhe një aktivitet special “ERASMUS+ Info Event”, i organizuar nga Rajoni i Peloponezit dhe Peloponnese Development Organization, ku stafi ynë diskutoi për mundësi bashkëpunimi dhe shkëmbime akademike.
