Thirrje për bursë studimi për studentë në kuadër të Programit “Erasmus +” për komponentin KA171 International Credit Mobility.
Universiteti “Ismail Qemali”, Vlorë në bashkëpunim me Universitetin e Vigo-s në Spanjë (University of Vigo) në kuadër të Programit “Erasmus+” për komponentin KA1, fton të gjithë studentët e UV-së të aplikojnë për bursë mobilitet për studim.
Mobiliteti përfshin:
– Shkëmbimin për studentët e programeve të studimit të ciklit të parë.
– Shkëmbimin për studentët, që trajtohen me ndihmë ekonomike të programeve të studimit të ciklit të të parë.
– Kohëzgjatja: 6 muaj
– Numri i kuotave: 2
– Periudha e mobilitetit: Semestri Vjeshtë ose Pranverë i vitit akademik 2024-2025
– Bursa: 850 Euro/muaj (Studentët me barriera ekonomike, do të përfitojnë një bursë prej 1100 Euro/muaj. Këtu përfshihen ata student që janë brezi i parë akademik në familje, studentë të punësuar, studentë me fëmijë, me aftësi të kufizuara dhe probleme shëndetësore, barriera të lidhura me sistemet e arsimit dhe trajnimit, dallimet kulturore, barrierat sociale, barrierat që lidhen me diskriminimin, barrierat gjeografike…etj.)
– Shpenzime udhëtimi: 360 Euro. Shpenzimet e udhëtimit përllogariten në bazë të
largësisë sipas linkut: https://ec.europa.eu/programmes/erasmus-plus/resources/distance-calculator_en
Kriteret për aplikantët:
– Të jenë studentë “Bachelor” (përjashtohen studentët që janë në vit të parë në periudhën e mobilitetit) të UV-së.
– Të jenë studentë në programet e studimit sipas kodit ISCED “061”Information and Communication Technologies” :
a) Bachelor Informatikë
b) Bachelor Shkenca Kompjuterike
c) Bachelor Teknologji Informacioni
– Të jenë student, të cilët nuk e kanë përmbushur periudhën e lejuar të realizimit të mobilitetit brenda një cikli studimi (prej 12 muajsh në total).
– Njohja e gjuhës angleze minimalisht në nivelin B2 /Njohja e gjuhës Spanjolle minimalisht në nivelin B2.
Kriteret e përzgjedhjes:
Studentët do të përzgjidhen në bazë të skemës standard të pikëzimit të udhëzuar nga Universiteti Vigos sipas kritereve të mëposhtme:
– Merita akademike (deri më 75%), transkripti i notave, cilësia dhe rëndësia etj.
– Aspekte të tjera (deri më 25%) : kompetenca gjuhësore, etj.
Në rast të kandidatëve me pikë të barabarta:
– Prioritet do t’u jepet studentëve që u përkasin grupeve me diversitete sociale ekonomike, gjinore, racore, ngjyre, aftësi të veçanta, etj.
– Barazia gjinore (aty ku është e mundur, të përzgjidhen kandidatë të barabartë në numër për nga gjinia).
– Prioritet do t’u jepet studentëve që nuk kanë përfituar më parë nga programi Erasmus+ KA1.
Dokumentet e nevojshme për aplikim:
– Formular aplikimi.
– Kopje e dokumentit identifikues / pasaportë.
– CV në anglish.
– Vërtetim studenti.
– Transkript notash.
– Dokument që vërteton njohjen e gjuhës së huaj (Anglisht ose Spanjisht).
– Letër motivimi në anglisht.
– Dokument që vërteton se jeni studentë që trajtoheni me ndihmë ekonomike.
Dorëzimi i dokumentave të aplikimit kryhet në një nga mënyrat e mëposhtme:
– Elektronikisht (të skanuara në formatin pdf) në adresat:
– eljona.proko@univlora.edu.al
– international@univlora.edu.al
– Dorazi pranë Sektorit të Projekteve dhe Marrëdhënieve me Jashtë pranë Rektoratit, Kati i I-rë.
Shënim: Studentët janë të lutur përpara dorëzimit të aplikimit të konsultohen me koordinatorin akademik të marrëveshjes/ përgjegjësin e departamanetit, nëse aplikimi i tyre është i përshatshëm mbështetur në katalogun e kurseve te ofruar ne gjuhe angleze sipas linkut si më poshtë: https://www.uvigo.gal/estudar/que-estudar/estudos-grao
Afati i fundit i aplikimit është 17/07/2024
Procedura e përzgjedhjes:
– UV ngre një komision ad-hoc, i cili do t’i rendisë kandidatët në bazë të skemës së pikëzimit si dhe kritereve të thirrjes.
– Kandidatët fitues do të njoftohen prej SPMJ-së në adresën e tyre të email-it.
– Kandidatët aplikues kanë të drejtën e ankimimit kundër vendimit të komisionit ad-hoc pranë Rektorit brenda 5 (pesë) ditëve nga marrja e njoftimit.
– Në përfundim të afatit të ankimimit, SPMJ përcjell listën e studentëve të nominuar pranë universitetit pritës.
– Studentët e përzgjedhur do të kontaktohen prej universitetit pritës për të vazhduar më tej me procedurat e nevojshme.
Përpara fillimit të mobilitetit studentët fitues plotësojnë një dokument të quajtur Learning Agreement (Marrëveshje që vendoset midis studentit që aplikon, universitetit të origjinës si dhe universitetit prites, në të cilën paracaktohen kurset me kreditet përkatëse sipas kriterit të numrit minimal të krediteve që studenti do të ndjekë gjatë semestrit në universitetin pritës, të cilat do t’i njihen në përfundim të tij dhe në vijim të studimeve në universitetin e origjinës).
KUJDES! Studenti, i cili do të kryejë gjatë një semestri mobilitetin në universitetin pritës, duhet të zgjedhë lëndë ekuivalente/ngjashme me ato që do të zhvillonte në UV në po atë semestër. Kreditë të pazgjedhura nga studentët që aplikojnë për mobilitet, për shkak të ndryshimeve midis programeve të studimit të UV-së dhe atyre të universitetit pritës, mbeten pjesë e detyrimeve akademike të programit të studimit që ndjek studenti aplikant të cilat ai/ajo duhet t’i shlyejë sipas rregulloreve përkatëse të UV-së.
Më shumë informacion mbi universitetin pritës dhe katalogun e kurseve e gjeni në linket:
https://www.uvigo.gal/estudar/que-estudar/estudos-grao (Bachelor)
Për më shumë informacion rreth skemës së mobilitetit dhe mënyrës së aplikimit mund të kontaktoni me:
– Koordinatoren akademik të marrëveshjes ndërinstitucionale Dr. Eljona Proko, (eljona.proko@univlora.edu.al)
– Koordinatoren e marrëveshjes ndërinstitucionale Dr. Eva Cipi, (eva.cipi@univlora.edu.al)
– Sektorin e Projekteve dhe Marrëdhënieve me Jashtë (international@univlora.edu.al).
Universiteti “Ismail Qemali”, Vlorë ju uron suksese!