Në datë 24. 01. 2024, Kryeministri i Shqipërisë z. Edi Rama zhvilloi një vizitë në Universitetin Kombëtar të Arsimit në Distancë, Madrid, Spanjë, (Universidad Nacional de Educación a Distancia, UNED), ku u prit nga Rektori i këtij institucioni Prof. Ricardo Mairal. Rektori i UNED dhe Kryeministri Edi Rama, nënshkruan dhe ratifikuan Marrëveshjet e ndryshme të arritura mes UNED-it dhe institucioneve e universiteteve të Republikës së Shqipërisë: Protokollin e Përgjithshëm të Veprimit me Universitetin “Ismail Qemali” të Vlorës, Protokollin e Përgjithshëm të Veprimit ndërmjet UNED-it dhe Universitetit të Tiranës dhe Protokollin ndërmjet UNED dhe Këshillit Bashkiak të Gjirokastrës për krijimin e një Qendre UNED në Shqipëri me vendndodhje në këtë bashki, në jug të vendit.
Vizita e Kryeministrit Edi Rama në UNED ishte pjesë e një turi promovues të zhvillimeve turistike, kulturore dhe arsimore të Shqipërisë në Spanjë, në kuadër të fushatës së qeverisë shqiptare për ndërkombëtarizimin e sektorit arsimor shqiptar.
Për më shumë shih:
https://comunicacion.uned.es/news/show/110390/el-rector-de-la-uned-recibe-al-primer-ministro-de-albania.html
comunicacion.uned.es/news/show/110039/la-uned-y-la-universidad-de-vlora-firman-un-convenio-de-colaboracion-academica-y-de-ayuda-al-desarr.html
univlora.edu.al/2024/01/21/marreveshje-bashkepunimi-mes-universitetit-ismail-qemali-vlore-dhe-universidad-nacional-de-educacion-a-distancia-uned-madrid