Në kuadër të “Ditës Botërore të Ekologjisë”, Departamenti i Biologjisë në bashkëpunim me Departamentin e Kimisë dhe Qendrën Kërkimore Shkencore, organizoi në datën 01 Nëntor 2024 aktivitetin informues me temë “Biodiversiteti dhe Mjedisi”. Ky aktivietet u zhvillua me pjesëmarrjen e stafit dhe studentëve të Departamentit të Biologjisë, Departamentit të Kimisë, si dhe Qendrën Kërkimore Shkencore.
Aktiviteti përfshinte: prezantime inforuese, punë në terren dhe punë në laborator:
- Prezantim informues
Prezantimi u realizuar nga studentët e Masterit Shkencor në “Biologji Mjedisore” i ndarë në dy seksion me temat: “Biodiversiteti. Vlerat Ekologjike, Natyrore, Ekonomike dhe kulturore” dhe “Rreziqet që kërcënojnë Biodiversitetn. Ndotja dhe ndikimi i saj në humbjen e biodiversitetit.”
- Puna në terren.
Studentët së bashku me stafin akademik, u drejtuan në Plazhin e Vjetër.
Aty ata bënë një vlerësimi të situatës higjeno-sanitare. Më pas u bë grumbullimi i mbetjeve të ndryshme përgjatë vijës bregredate në dy trensekte.
- Puna në Laborator.
Pas mbeldhjes së mbetjeve, studentët u drejtuan në Laboratorin e Qendrës Kërkimore Shkencore të Fakultetit të Shkencave Teknike dhe Natyrore. Aty ata vazhduan me klasifikimin, ndarjen dhe peshimin e mbetjeve. Këto të dhëna do të hidhen në një raport për të evidentuar, cili është ndotësi më i shpeshtë në vijën bregdetare dhe cilat masa mund të merren për parandalimin e tyre.
