Thirrje për mobilitet stafi akademik në kuadër të Programit “Erasmus +” për komponentin KA1 International Credit Mobility në Universitetin e Katanias në Itali.
Universiteti “Ismail Qemali” Vlorë në bashkëpunim me Universitetin e Katanias në Itali hap thirrjen për mobilitete stafi në kuadër të Programit “Erasmus+” për komponentin KA171.
Ftohen të aplikojnë stafi akademik i punësuar me kontratë me angazhim me kohë të plotë në UV.
Mobiliteti përfshin:
– Shkëmbimin e stafit akademik.
– Kohëzgjatja: 5 + 2 ditë.
– Numri i kuotave: 2 (dy) ( 1 Law + 1 Education)
– Periudha e mobilitetit: Semestri “Pranverë” i vitit akademik 2024-2025.
– Dieta ditore: 160 Euro/ditë.
– Shpenzime udhëtimi: 180 Euro. Shpenzimet e udhëtimit përllogariten në bazë të largësisë sipas linkut:
https://ec.europa.eu/programmes/erasmus-plus/resources/distance-calculator_en
Kriteret për aplikim për aplikantët:
- Personel akademik i punësuar me kontratë me angazhim me kohë të plotë në UV.
- Njohja e gjuhës së huaj sipas nivelit të përcaktuar në marrëveshjen ndër-institucionale (minimumi niveli B2 gjuhe angleze/italiane).
- Personel akademik, i cili lidhet me progamet e studimit:
- 042 Law
- 011 Education
Kriteret e përzgjedhjes:
Stafi do të përzgjidhet në bazë të skemës së miratuar në rregulloren “Për Implementimin e Marrëveshjeve Ndër-institucionale në Kuadër të Programit Erasmus+ KA107 International Credit Mobility’’ sipas kritereve të mëposhtme:
- Arritja akademike (Titulli akademik/ Grada shkencore) për stafin akademik.
- Kompetenca e gjuhës së huaj.
- Pjesëmarrja në mobilitete.
- Prioritet i jepet stafit që nuk ka pasur më parë eksperiencë mobiliteti.
- Prioritet do t’u jepet stafit që u përkasin grupeve me diversitete sociale ekonomike, gjinore, racore, ngjyre, aftësi të veçanta, etj.
- Barazia gjinore (aty ku është e mundur, të përzgjidhen kandidatë të barabartë në numër për nga gjinia).
Dokumentet e nevojshme për aplikim:
- Formular i aplikimit.
- Kopje ID/ pasaportë.
- Dokument që vërteton statusin e të punësuarit pranë UV-së.
- CV vetjake në gjuhën angleze sipas modelit Europass (mund të shkarkoni një model në linkun http://europass.cedefop.europa.eu/documents/curriculum-vitae/templates-instructions ).
- Letër Motivimi në gjuhën angleze.
- Çertifikata e gjuhës së huaj që vërteton nivelin e njohjes së gjuhës së kërkuar, përjashtim nga ky detyrim bëjnë stafi që është diplomuar për gjuhë angleze/italiane.
- Vërtetim nga Rektori / Dekani i Fakultetit tuaj që ju lejon të shkëputeni për të kryer mobilitetin.
Dorëzimi i dokumentave të aplikimit kryhet në një nga mënyrat e mëposhtme:
- Elektronikisht (të skanuara në formatin pdf) në adresat:
- international@univlora.edu.al
- jonida.mehmetaj@univlora.edu.al
- esmeralda.laci@univlora.edu.al
- Dorazi pranë Sektorit të Projekteve dhe Marrëdhënieve me Jashtë pranë Rektoratit, Kati i I-rë.
Afati i fundit i aplikimit është 27/09/2024
Procedura e përzgjedhjes:
- UV ngre një komision ad-hoc, i cili do t’i rendisë kandidatët në bazë të skemës së pikëzimit si dhe kritereve të thirrjes.
- Kandidatët fitues do të njoftohen prej SPMJ-së në adresën e tyre të email-it.
- Kandidatët aplikues kanë të drejtën e ankimimit kundër vendimit të komisionit ad-hoc pranë Rektorit brenda 5 (pesë) ditëve nga marrja e njoftimit.
- Në përfundim të afatit të ankimimit, SPMJ përcjell listën e stafit të nominuar pranë universitetit pritës.
- Stafi i përzgjedhur do të kontaktohet prej universitetit pritës për të vazhduar më tej me procedurat e nevojshme.
Më shumë informacion mbi universitetin pritës e gjeni në link:
Për më shumë informacion rreth skemës së mobilitetit dhe mënyrës së aplikimit mund të kontaktoni me:
- Përgjegjësen e Departamentit të Drejtësisë, Prof. Asoc. Jonida Mehmetaj (jonida.mehmetaj@univlora.edu.al)
- Përgjegjësen e Departamentit të Edukimit, Phd. Esmeralda Laci (esmeralda.laci@univlora.edu.al)
- Sektorin e Projekteve dhe Marrëdhënieve me Jashtë (international@univlora.edu.al).
Universiteti “Ismail Qemali” Vlorë ju uron suksese!