Thirrje për mobilitet stafi të kombinuar për mësimdhënie dhe trajnim, në kuadër të Programit Erasmus + për komponentin KA171 International Credit Mobility në Universitetin Teknik të Rigës, Letoni (Riga Technical University).
Universiteti i Vlorës “Ismail Qemali” në bashkëpunim me Universitetin Teknik të Rigës hap thirrjen për mobilitete stafi në kuadër të Programit Erasmus+ për komponentin KA171.
Ftohen të aplikojnë stafi akademik i punësuar me kontratë me angazhim me kohë të plotë në UV.
Lloji i mobilitetit në nivel Shqipërie përfshin:
- Shkëmbimin e stafit akademik, i cili lidhet me progamet e studimit te ofruar ne RTU.
- Kohëzgjatja 5+2 ditë. Në universitetin pritës duhet të ofrohen minimumi 4 orë mësimore dhe aktivitete trajnuese.
- Numri i mobiliteteve: 4 (katër)
- Dieta ditore: 140 Euro/ditë
- Periudha e mobilitetit: 14 – 18/ 10/ 2024 në aktivitetin “1st International Teaching Week”, i cili është i dedikuar për nxitjen e ndërkombëtarizimit, bashkëpunimit global dhe përsosmërisë në arsimin e lartë. Temat e aktvitetit gjenden në linkun https://docs.google.com/spreadsheets/d/1h3utz9NHGcwtV2OhYtsrydKQMs2Xlk-9/edit?pli=1&gid=1519449927#gid=1519449927
- Shpenzime udhëtimi: 275 Euro. Shpenzimet e udhëtimit përllogariten në bazë të largësisë sipas linkut: https://ec.europa.eu/programmes/erasmus-plus/resources/distance-calculator_en
Kriteret për aplikim për aplikantët:
- Personel akademik i punësuar me kontratë me angazhim me kohë të plotë në UV.
- Njohja e gjuhës së huaj sipas nivelit të përcaktuar në marrëveshjen ndër-institucionale (minimumi niveli B2).
- Personel akademik, i cili lidhet me progamet e studimit te ofruar ne RTU.
Kriteret e përzgjedhjes:
Stafi do të përzgjidhet në bazë të skemës së miratuar në rregulloren “Për Implementimin e Marrëveshjeve Ndër-institucionale në Kuadër të Programit Erasmus+ KA107 International Credit Mobility’’, sipas kritereve të mëposhtme:
- Arritja akademike (Titulli akademik/ Grada shkencore) për stafin akademik.
- Kompetenca e gjuhës së huaj.
- Pjesëmarrje në mobilitete. Prioritet i jepet stafit që nuk ka pasur më parë eksperiencë mobiliteti.
- Prioritet ka stafi qe i perket fushave te studimit:
- 0410 Business and Administration
- 0610 Information and Communication Technologies
- 0710 Engineering and Engineering Trades
- 0230 Languages
Kritere shtesë:
- Argumentimi i qartë i qëllimit të vizitës, planit të punës në institucionin pritës si një vlerë e shtuar e mobilitetit në kontekstin e modernizimit dhe ndërkombëtarizimit të strategjisë së UV-së.
- Barazia gjinore (aty ku është e mundur, të përzgjidhen kandidatë të barabartë në numër për nga gjinia).
Dokumentet e nevojshme për aplikim:
- Formular i aplikimit;
- Kopje ID/ pasaportë;
- Dokument që vërteton statusin e të punësuarit pranë UV-së
- CV vetjake në gjuhën angleze sipas modelit Europass (mund të shkarkoni një model:http://europass.cedefop.europa.eu/documents/curriculum-vitae/templates-instructions).
- Draft marrëveshja e mobilitetit sipas modelit bashkëlidhur kësaj thirrje. Stafi akademik është i mirëpritur të propozojë një sërë temash për leksione sipas lidhjes https://docs.google.com/spreadsheets/d/1h3utz9NHGcwtV2OhYtsrydKQMs2Xlk-9/edit?pli=1&gid=1519449927#gid=1519449927
Gjuha mëmdhënies është në anglisht.
- Letër Motivimi në gjuhë angleze
- Certifikata e gjuhës së huaj që vërteton nivelin e njohjes së gjuhës së kërkuar, përjashtim nga ky detyrim bëjnë stafi që është diplomuar për gjuhë angleze/të huaj.
- Vërtetim nga Rektori / Dekani i Fakultetit tuaj që ju lejon të shkëputeni për të kryer mobilitetin. Duke qene se stafi është me leje, për dokumentet që duhen lëshuar nga eprori më i afërt mund të konsiderohet dhe konfirmimi nga e-mail zyrtar.
Dorëzimi i dokumentave të aplikimit kryhet në një nga mënyrat e mëposhtme:
- Elektronikisht (të skanuara në formatin pdf) në adresën:
- international@univlora.edu.al
- Dorazi pranë Sektorit të Projekteve dhe Marrëdhënieve me Jashtë pranë Rektoratit, Kati i I-rë.
Afati i fundit i aplikimit është 09/08/2024
Procedura e përzgjedhjes:
- Faza e Nominimit
- UV ngre një komision ad-hoc, i cili do t’i rendisë kandidatët në bazë të skemës së pikëzimit si dhe kritereve të thirrjes.
- Kandidatët aplikues do të njoftohen prej SPMJ-së në adresën e tyre të e-mail mbi rezultatet e renditjes.
- Kandidatët aplikues kanë të drejtën e ankimimit kundër vendimit të komisionit ad-hoc pranë Rektorit brenda 5 ditëve nga marrja e njoftimit.
- Në përfundim të afatit të ankimimit, SPMJ përcjell listën e stafit të nominuar pranë Universitetit Teknik të Rigës.
- Faza e aplikimit
Stafi i nominuar do të plotësoj formularin e aplikimit online të RTU-së.
- Faza e përzgjedhjes nga RTU
- Kandidatët e përzgjedhur do të vendosen në kontakt me lektorët e RTU për të caktuar të gjitha detajet e aktivitetit mësimdhënës.
- RTU mban parasysh kriteret e përzgjedhjes si mëposhtë:
- Letër motivimi ku të argumentohet arsyeja e aplikimit për mobilitetin.
- Plani i punës së mobilitetit (preferohet sa më i detajuar)
- Minimumi B2 i nivelit të gjuhës angleze.
- Prioritet do i jepet stafit që nuk ka pasur më parë eksperiencë mobiliteti.
- Prioritet do i jepet stafit, i cili ka marrë ftesë prej departamentit të RTU-së që dëshirojnë të vizitojnë.
Një informacion rreth Universitetit Teknik të Rigës do të gjeni në linkun https://www.rtu.lv/en
Për më shumë informacion rreth skemës së mobilitetit dhe mënyrës së aplikimit mund të kontaktoni me:
- Sektorin e Projekteve dhe Marrëdhënieve me Jashtë, pranë Rektoratit, Kati i I-rë në adresën e –mailit: international@univlora.edu.al
Universiteti “Ismail Qemali”, Vlorë ju uron suksese!