Thirrje për bursa studimi për studentët doktorantë në kuadër të Programit “Erasmus +” për komponentin KA1 International Credit Mobility.
Universiteti “Ismail Qemali”, Vlorë në bashkëpunim me Universitetin e Granadës në Spanjë (University of Granada) në kuadër të Programit “Erasmus+” për komponentin KA171, fton të gjithë studentët doktorantë të UV-së të aplikojnë për bursë mobilitet studimi.
Mobiliteti përfshin:
– Shkëmbimin për studentët e programeve të studimit të ciklit të tretë.
– Kohëzgjatja: 3 muaj
– Numri i kuotave: 1 (një)
– Periudha e mobilitetit: Përgjatë vitit akademik 2024-2025
– Bursa: 850 Euro/muaj
– Kontributin e shpenzimeve të udhëtimit.
Kriteret për aplikantët:
– Të jenë studentë në programin e ciklit të tretë të studimit.
– Të jenë student, të cilët nuk e kanë përmbushur periudhën e lejuar të realizimit të mobilitetit brenda një cikli studimi (prej 12 muajsh në total).
– Fushat e studimit sipas katalogut të kurseve në linkun:
Graduate School > Doctoral Programmes | University of Granada (ugr.es)
Kriteret e përzgjedhjes:
Studentët do të përzgjidhen në bazë të skemës së miratuar në rregulloren “Për
Implementimin e Marrëveshjeve Ndër-institucionale në Kuadër të Programit “Erasmus+” KA107 International Credit Mobility’’, sipas kritereve të mëposhtme:
– Merita akademike.
– Kompetenca gjuhësore.
Në rast të kandidatëve me pikë të barabarta:
– Prioritet do t’u jepet studentëve që u përkasin grupeve me diversitete sociale ekonomike, gjinore, racore, ngjyre, aftësi të veçanta, etj.
– Barazia gjinore (aty ku është e mundur, të përzgjidhen kandidatë të barabartë në numër për nga gjinia).
– Prioritet do t’u jepet studentëve që nuk kanë përfituar më parë nga programi Erasmus+ KA1.
Dokumentet e nevojshme për aplikim:
– Formular aplikimi.
– Kopje e dokumentit identifikues / pasaportë.
– Vërtetim studenti.
– Listë notash të cikleve të mëparshme të studimit.
– CV (në gjuhën angleze / spanjolle);
– Letër motivimi në gjuhën angleze / spanjolle;
– Çertifikatë që vërteton njohjen e gjuhës së huaj.
– Dokument që vërteton që studenti u përket grupeve me diversitete sociale ekonomike,
gjinore, racore, ngjyre, aftësi të veçanta, nga familje që trajtohen me ndihmë ekonomike
ose bursë nga shteti etj, (nëse e dispononi).
Dorëzimi i dokumentave të aplikimit kryhet në një nga mënyrat e mëposhtme:
– Elektronikisht (të skanuara në formatin pdf) në adresat:
a) international@univlora.edu.al
– Dorazi pranë Sektorit të Projekteve dhe Marrëdhënieve me Jashtë pranë Rektoratit, Kati i I-rë.
Shënim: Studentët janë të lutur përpara dorëzimit të aplikimit të konsultohen me koordinatorin akademik të marrëveshjes/ përgjegjësin e departamanetit, nëse aplikimi i tyre është i përshatshëm mbështetur në katalogun e kurseve te ofruar ne gjuhe angleze sipas linkut si më poshtë: Graduate School > Doctoral Programmes | University of Granada (ugr.es)
Afati i fundit i aplikimit është 30/10/2024
Procedura e përzgjedhjes:
– UV ngre një komision ad-hoc, i cili do t’i rendisë kandidatët në bazë të skemës së pikëzimit si dhe kritereve të thirrjes.
– Kandidatët fitues do të njoftohen prej SPMJ-së në adresën e tyre të email-it.
– Kandidatët aplikues kanë të drejtën e ankimimit kundër vendimit të komisionit ad-hoc pranë Rektorit brenda 5 (pesë) ditëve nga marrja e njoftimit.
– Në përfundim të afatit të ankimimit, SPMJ përcjell listën e studentëve të nominuar pranë universitetit pritës.
– Studentët e përzgjedhur do të kontaktohen prej universitetit pritës për të vazhduar më tej me procedurat e nevojshme.
Përpara fillimit të mobilitetit studentët fitues plotësojnë një dokument të quajtur Learning Agreement (Marrëveshje që vendoset midis studentit që aplikon, universitetit të origjinës si dhe universitetit prites, në të cilën paracaktohen kurset me kreditet përkatëse sipas kriterit të numrit minimal të krediteve që studenti do të ndjekë gjatë semestrit në universitetin pritës, të cilat do t’i njihen në përfundim të tij dhe në vijim të studimeve në universitetin e origjinës).
KUJDES! Studenti, i cili do të kryejë gjatë një semestri mobilitetin në universitetin pritës, duhet të zgjedhë lëndë ekuivalente/ngjashme me ato që do të zhvillonte në UV në po atë semestër. Kreditë të pazgjedhura nga studentët që aplikojnë për mobilitet, për shkak të ndryshimeve midis programeve të studimit të UV-së dhe atyre të universitetit pritës, mbeten pjesë e detyrimeve akademike të programit të studimit që ndjek studenti aplikant të cilat ai/ajo duhet t’i shlyejë sipas rregulloreve përkatëse të UV-së.
Më shumë informacion mbi universitetin pritës dhe katalogun e kurseve në gjuhë të huaj i gjeni në linket:
Graduate School > Doctoral Programmes | University of Granada (ugr.es)
Për më shumë informacion rreth skemës së mobilitetit dhe mënyrës së aplikimit mund të kontaktoni me Sektorin e Projekteve dhe Marrëdhënieve me Jashtë (international@univlora.edu.al).
Universiteti “Ismail Qemali”, Vlorë ju uron suksese!