[:sq]Ditën e enjte më datë 25.01.2018 në orën 11:00 në sallën C100 Departamenti i Shkencave Kompjuterike, organizoi seminarin më temë “Internet of Everthing”.
Qëllimi i seminarit është nxitja dhe inkurajimi i studentëve drejt punës kërkimore në mënyrë të pavarur, bashkëpunimi me njëri tjetrin si dhe aftësimi për të prezantuar punimet e tyre.
Në këtë seminar referuan studentët e Shkencave Kompjuterike të nivelit Bachelor dhe Master.
Të pranishëm në sallë ishin studentët e Bachelorit dhe Masterit të cilët ndjekin studimet në degët që ofron Departamenti i Shkencave Kompjuterike, pedagogët e këtij departamenti si dhe zv. Dekani për Kërkimin Shkencor Pëllumb Cacaj.
Në fokus të prezantimeve ishin:
Njohja me konceptet kryesore të IoE, arkitekturat dhe aplikimet e tij. Njohja me teknologjitë dhe mekanizmat e sensorëve, aktuatorëve, procesimit dhe komunikimit.
Diskutimi i teknologjive, zgjidhjeve të orientuara nga shërbimi dhe teknologjitë e rrjetit që mundësojnë integrimin e të dhënave dhe shërbimeve IoE në botën kibernetike.
Nën kujdesin e këshilltarit akademik pedagoges Roneda Mucaj studentët prezantuan temat:
Internet of Everthing; Emi Hasaj
Arsimi dhe IoE; Ermal Cekaj
IoE në Shëndetësi; Aulon Hysaj
Shtëpi të zgjuara; Ilva Lucaj
Qytete të zgjuara; Bruna Shaqiraj
Interneti i automjeteve; Denis Sinanaj
Energji e zgjuar; Barilsida Derraj
