Sesion interaktiv: "Edukim Financiar me Raiffeisen Youth"
Universiteti “Ismail Qemali” i Vlorës, në bashkëpunim me Raiffeisen Bank Albania, do të organizojë më datë 3 nëntor 2025, sesionin interaktiv me temë: “Edukim Financiar me Raiffeisen Youth”.
Ky aktivitet synon të ofrojë për studentët një eksperiencë të vlefshme përmes njohurive praktike mbi financat, inovacionin dhe përdorimin e sigurt të produkteve bankare.
Pjesëmarrësit do të kenë mundësinë të:
• njihen me konceptet bazë të bankingut dhe edukimit financiar;
• mësojnë mbi sigurinë në përdorimin e kartave bankare;
• njihen me aplikacionin inovativ Raiffeisen Youth, ndërtuar për brezin e ri;
• marrin pjesë në aktivitete interaktive dhe diskutime mbi rolin e teknologjisë në të ardhmen e financave.
Ky bashkëpunim përfaqëson një hap të rëndësishëm në forcimin e lidhjes mes sektorit akademik dhe atij financiar, duke u ofruar studentëve mundësi për zhvillim profesional dhe personal.
Eventi është i hapur për të gjithë studentët e Fakultetit të Ekonomisë të Universitetit "Ismail Qemali", Vlorë.
