Qëllimi/ fusha e ekspertizës:

Qendra Kërkimore Shkencore e Shkencave të Aplikuara (QKSSA) e Fakultetit të Shkencave Teknike dhe Natyrore (FSHTN) në Universitetin e Vlorës "Ismail Qemali" ka për qëllim krijimin dhe zhvillimin e një mjedisi të qëndrueshëm dhe të integruar për kërkimin shkencor, duke fuqizuar rolin e universitetit si qendër e prodhimit dhe përhapjes së dijes.

Objektivat kryesore:

1. Të mundësojë zhvillimin e kërkimit shkencor nga stafi akademik dhe studentët brenda hapësirave të institucionit, me fokus në avancimin e dijes shkencore dhe aplikimin praktik të saj.
2. Të koordinojë dhe administrojë në mënyrë efikase projektet kërkimore, duke siguruar financime nga fonde kombëtare dhe ndërkombëtare.
3. Të veprojë si një strukturë mbështetëse dhe nxitëse për bashkëpunime ndërdisiplinore dhe institucionale në nivel kombëtar dhe ndërkombëtar.
4. Të përkrahë studentët e ciklit të dytë dhe tretë në realizimin e temave të diplomës dhe punimeve kërkimore, përmes vënies në dispozicion të infrastrukturës kërkimore moderne.
5. Të ofrojë shërbime profesionale dhe shkencore për palët e treta, duke kontribuar në përmirësimin e standardeve teknike, mjedisore dhe shkencore në nivel lokal dhe rajonal.
6. Të rrisë impaktin e kërkimit shkencor në zhvillimin e qëndrueshëm, inovacionin dhe përditësimin e kurrikulave akademike.