Qëllimi/fusha e ekspertizës:      Qendra Kërkimore Shkencore për Shëndetin Publik (SRC4ph) është një nga njësitë bazë të Fakultetit të Shëndetit (FSH), Universiteti i Vlorës “Ismail Qemali” (UV). Struktura e saj përfshin staf akademik me kohë të plotë, i angazhuar në mësimdhënie dhe kërkim shkencor si dhe një staf administrativ mbështetës për kërkimin shkencor.mSRC4ph mbështet të gjitha programet e studimit që ofrohen nga Fakulteti i Shëndetit, duke përfshirë:

- Programet e ciklit të parë: Infermieri e Përgjithshme, Infermieri Mami

- Programet e ciklit të dytë: Master Profesional në Kirurgji, Patologji, Pediatri dhe

   Master Shkencor në Shkencat e Infermierore.

Objektivat Kryesore:

1.      Menaxhimi i projekteve dhe kërkimeve në fushën e shëndetit publik dhe kujdesit shëndetësor

2.       Lehtësimi i transferimit, modernizimit dhe inovacionit të teknologjive të kujdesit shëndetësor

3.       Kryerja e studimeve mbi shëndetin publik dhe analiza e ndikimit të faktorëve të ndryshëm që përcaktojnë shëndetin e popullsisë

4.      Propozimi i ndërhyrjeve dhe politikave shëndetësore bazuar në prova shkencore.

Bashkëpunimi & Qasja

SRC4ph funksionon si një strukturë koordinuese për projektet e kërkimit brenda fakultetit dhe njësive të tjera bazë akademike, duke bashkëpunuar me institucione dhe organizata kombëtare dhe ndërkombëtare përmes marrëveshjeve bilaterale dhe multilaterale. Qendra ofron akses të lirë dhe të pakufizuar në artikuj shkencorë me cilësi të lartë për akademikë, kërkues, studentë, profesionistë të kujdesit shëndetësor dhe çdo person tjetër të interesuar për njohuri të përditësuara në fushën e kujdesit shëndetësor.

Një Qendër për Frymëzim dhe Inovacion

SRC4ph është më shumë se një qendër inovative – ajo është një platformë bashkëpunimi ndërkombëtar dhe zhvillimi profesional, ku studentët dhe stafi angazhohen në projekte që transformojnë të ardhmen e kujdesit shëndetësor. Përmes shkëmbimeve me institucione partnere ndërkombëtare dhe pjesëmarrjes në rrjete globale të kërkimit dhe inovacionit, SRC4ph ndihmon në ngritjen e cilësisë së arsimit në infermieri dhe fushat e tjera shëndetësore. Kjo hapësirë frymëzuese jo vetëm që nxit kreativitetin dhe mendimin kritik, por gjithashtu forcon përgatitjen profesionale të studentëve për një treg global pune, duke kontribuar në krijimin e profesionistëve të kualifikuar të shëndetit, të përgatitur për të përballuar sfidat komplekse të shëndetësisë bashkëkohore.