Në bazë të nenit 14 të Rregullores së Universitetit “Ismail Qemali” Vlorë:

1. Bordi i Administrimit të UV-së është organi më i lartë kolegjial administrativ, i cili garanton përmbushjen e misionit të UV-së, mbarëvajtjen financiare dhe administrative të tij.
2. Cilësitë e anëtarëve dhe funksionet e Bordit të Administrimit janë të parashikuara në nenet 48, 49 të Ligjit nr.80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë” dhe nenet 23, 24, 25 të Statutit të UV-së.
3. Organizimi i brendshëm i Bordit të Administrimit, mënyra e thirrjes së mbledhjeve, rendi i ditës, pjesëmarrja, marrja e vendimeve, votimi dhe çështje të tjera të lidhura me to, parashikohen në Rregulloren e brendshme të Bordit të Administrimit.
4. Me cilësinë e konsulentit, kanë të drejtë të ndjekin mbledhjen e BA, drejtuesit e njësive ndihmëse dhe përfaqësuesi i zyrës juridike të UV-së.
5. Bordi i Administrimit informon periodikisht Senatin Akademik dhe Rektorin për situatën dhe qёndrueshmёrinё financiare, realizimin e buxhetit, shkaqet dhe pёrgjegjёsitë nё rast mosrealizimi tё tij, si dhe pёr projektet përkatëse financiare për të gjithë Universitetin.
6. Në veprimtarinë e tij, Bordi i Administrimit mbështetet nga administrata e Rektoratit, pas miratimit paraprakisht të kërkesave nga Rektori.
7. Bordi i Administrimit publikon të gjitha vendimet në faqen zyrtare elektronike të UV së, protokollohen dhe u dërgohen në formë shkresore autoriteteve drejtuese në UV.