[:sq]
NJOFTIM
Universiteti “Ismail Qemali” Vlorë, bazuar në Urdhërin Nr. 28, datë 29.06.2020 të Rektorit, shpall njoftimin për konkurim të hapur, për vendin e lirë të punës në Universitetin “Ismail Qemali” Vlorë:
1 (një) personel akademik me angazhim me kohë të plotë i kategorisë Profesor në fushën e Drejtësisë
Përshkrimi i vendit të punës
Personeli akademik me kohë të plotë që do të punësohet do të anagazhohet në mësimdhënie në programet e studimit Master dhe Bachelor, në fushën e së Drejtës publike dhe nënfushave të saj.
Kritere të përgjithshme që duhet të plotësoj/në kandidati/ët
- Të zotërojë aftësitë e nevojshme profesionale për vendin e punës për të cilin konkuron;
- Të jetë i aftë të garantoj standartin e cilësisë dhe efikasitetin në mësimdhënie.
- Të ketë aftësinë e punës në grup dhe të komunikimit profesional me kolegët dhe studentët;
- Të mos jetë i dënuar me vendim të formës së prerë të Gjykatës për kryerjen e një vepre penale si dhe të mos jetë person nën hetim;
- Kandidati nuk duhet të ketë patur background negativ në eksperiencat e mëparshme në punë;
- Të mos jetë marrë ndaj tij masë disiplinore “largim nga puna” si dhe të mos jetë në proces gjyqësor me Universitetin “Isamil Qemali” Vlorë;
- Të mos ketë vepruar ose propaganduar në drejtim të prishjes së imazhit të universitetit dhe autoriteteve drejtuese të UV-së, në median vizive dhe/apo të shkruar, rrjetet sociale etj.
- Të ketë zotësi të plotë për të vepruar;
- Të jetë i aftë nga ana shëndetësore;
- Të ketë eksperiencë në punë.
Kriteret bazë (skualifikuese):
- T’i përkasë kategorisë Profesor (mbajtës i titullit Profesor ose Profesor i asociuar);
- Të mbajë gjithashtu edhe gradën shkencore “Doktor i shkencave” në fushën e Drejtësisë. Përbën avantazh mbajtja e gradës shkencore PhD e fituar në vendet e BE ose OECD;
- Të ketë përfunduar studimet universitare 4-vjeçare, 5-vjeçare ose (3+2)-vjeçare në fushën e Drejtësisë, me kohë të plotë;
- Të ketë së paku 5-vite eksperiencë në mësimdhënie në Institucionet e Arsimit të Lartë, me kohë të plotë ose të pjesshme. Përbën avantazh angazhimi në mësimdhënie me kohë të plotë.
Pikëzimi i kritereve:
| Nr. | Emërtimi | Kriteret e vlerësimit |
| 1. | Titulli “Profesor i asociuar” | 40 pikë (45 pikë nëse është mbajtës i gradës shkencore PhD të fituar në vendet e BE apo OECD) |
| 2. | Titulli “Profesor” | 45 pikë (50 pikë nëse është mbajtës i gradës shkencore PhD të fituar në vendet e BE apo OECD) |
| 3. | Përvojë në mësimdhënien universitare | 1 pikë për çdo vit pune (jo më shumë se 5 pikë) |
| Botime shkencore dhe pjesëmarrje në konferenca shkencore | 0.5 pikë për çdo botim ose pjesëmarrje në konferencë (jo më shumë se 3 pikë) | |
| 4. | Njohje e gjuhës së huaj e certifikuar (ose një cikël studimesh universitare i kryer në gjuhë të huaj në një nga vendet e BE apo OECD) | 2 pikë |
| 5. | Intervista | 10 pikë |
Dokumentacioni i kërkuar
- Formulari i aplikimit i plotësuar nga aplikanti. Gjendet në adresën univlora.edu.al
- Jetëshkrim/ CV;
- Diploma/t universitare (kopje e noterizuar);
- Lista e notave e studimeve universitare (original ose kopje e noterizuar );
- Tituj akademik ose grada shkencore (kopje e noterizuar);
- Dëshmi të kualifikimeve, trajnimeve, arsimim shtesë, apo të tjera të përmendura në jetëshkrim (kopje të noterizuara);
- Artikuj të botuar, projekte shkencore, etj;
- Dëshmi të pjesëmarrjes në konferenca, seminare, workshop-e, etj (kopje të noterizuara);
- Libreza e punës (origjinal ose kopje të noterizuar)
- Raport mjekësor për aftësinë në punë, lëshuar 3 muajt e fundit (origjinal);
- Vërtetim i gjendjes gjyqësore (dokument origjinal i lëshuar nga Ministria e Drejtësisë, Gjykata e Rrethit Gjyqësor dhe Prokuroria e Rrethit Gjyqësor);
- Fotokopje të kartës së identitetit ID;
Shënim:
Diplomat, çertifikatat, gradat dhe titujt e fituar në institucione të huaja arsimore, të shoqërohen me çertifikatën e njehsimit, bazuar në nenin 92 të Ligjit nr. 80/2015, “Për arsimin e lartë dhe kërkimin shkencor në institucionet e Arsimit të lartë në Republikën e Shqipërisë”.
Mënyra e aplikimit
| – Universiteti “Ismail Qemali”, Vlorë,
Lagjja. “Pavarësia”, Rr. “Kosova” 9400 Vlorë, Shqipëri. -Drejtoria e Komunikimit dhe e Burimeve Njerëzore. -Personel akademik me kohë të plotë prane Departamentit të Drejtësisë
|
Dokumentat duhet të dorëzohen vetëm nëpërmjet shërbimit postar në adresën:
Afati për aplikim
- Afati për të aplikuar është 2 dy (javë) kalendarike. Ky afat fillon nga data e nesërme e publikimit të njoftimit në web-site zyrtar të Universitetit “Ismail Qemali” Vlorë: univlora.edu.al. (njoftimi u publikua në datën 29.06.2020 dhe afati përfundon në datën 14.07.2020).
- Dokumentacioni i dorëzuar në shërbimin postar pas datës 14.07.2020, do t’i kthehet aplikantit pa veprime.
Procedura e punësimit të personelit akademik
- Punësimi i personelit akademik në UV bëhet me
- Konkurimi do të kryhet në dy faza: vlerësimi i dosjes dhe intervista e drejtëpërdrejtë e kandidatit.
- Dokumentacioni i dorëzuar nga aplikanti në kundërshtim me kërkesat e shpallura, nuk do të merret në konsideratë nga Komisioni ad hoc. Vlerësimi do të kryhet vetëm mbi bazën e dokumentacionit të konsideruar të vlefshëm.
- Komisioni ad hoc njofton kandidatët për rezultatet e vlerësimit të fazës së parë.
- Ankesat në lidhje me vlerësimin e kandidatëve dhe zbatimin e procedurave nga komisioni ad hoc, paraqiten te Rektori brenda 5 (pesë) ditëve.
- Kandidatit i lind e drejta e ankimit nga e nesërmja e njoftimit të vendimit për fazën e parë të vlerësimit të dokumentacionit të dorëzuar. Në këtë rast, Rektori urdhëron komisionin ad-hoc për pezullimin e procedurës së konkurimit deri në përfundimin e procedurës së shqyrtimit të ankimit. Kur vlerëson se ankimi është i pranueshëm, brenda 10 (dhjetë) ditëve nga e nesërmja e njoftimit të ankimit, Rektori vendos me një akt të ri anullimin, shfuqizimin ose ndryshimin e vendimit të komisionit ad-hoc. Vendimi i rektorit i njoftohet komisionit ad-hoc i cili në vijim cakton datën dhe njofton kandidatët fitues për zhvillimin e intervistës me gojë.
- Kandidati i cili kalon fazën e parë të kualifikimit të dosjes, por nuk paraqitet në fazën e dytë të intervistës me gojë, skualifikohet nga konkurimi.
- Komisioni ad hoc vlerëson dhe rendit kandidatët konkurues sipas pikëzimit të vendosur në rregulloren e UV-së dhe ia përcjell Rektorit i cili vendos në mënyrë përfundimtare mbi secilën kandidaturë.
- Kundër vendimit të fazës së dytë për vlerësimin e intervistës, kandidati ka të drejtën e ankimit brenda 5 (pesë) ditëve, duke filluar ky afat nga e nesërmja e njoftimit të këtij vendimi. Në këtë rast, Rektori urdhëron shqyrtimin e ankimit. Kur vlerëson se ankimi është i pranueshëm, brenda 10 (dhjetë) ditëve nga e nesërmja e njoftimit të ankimit, rektori vendos me një akt të ri anullimin, shfuqizimin ose ndryshimin e vendimit të komisionit ad-hoc.
- Vendimi përfundimtar i Rektorit për miratimin e klasifikimit përfundimtar dhe shpalljen e fituesit, i njoftohet palëve të interesuara.
- Rektori emëron kandidatin fitues dhe nënshkruan kontratën e punës.
[:]